حبيت كتكــوته ملهــاش ...... في عمـــايل البنـــات
بتخلــــص السكـــاشن ...... وتــروح من سُكــات
كتكـــوتة حبيبتــي جــدا
مبتضحكـــش بصوت عالــي ...... ولا بيطلع ليها حــس
وعمــرها ما تبــص وراها ...... لو ميت حــد قالوا بــس
أمـورتي لمـا بتعطـس ..... بتقــــول للهـوا معـلـش
كتكـــوتة حبيبتــي جــدا
إصحـــابي قالــولي فكك ..... ملهــاش في السكــة ديـا
هتــروح يا بوب فيهــــــــا ..... ومـيـبقلـــكش ديــــه
أنـا قلــت : صدقـــوني ..... مسيــرها تحــس بيا
وهــدوس أنا في الحـــوار ...... وهنـبقـــى ميـــه ميـــه
كتكـــوتة حبيبتــي جــدا
و زاااااد حــبي ليهـــا .... وبقـــى نار في نـــار
وبقيـــت بسهــر بليل .... و أفكـــر بالنهـــــــار
ومركـزش في أي حـاجه .... جـد أو هــــــــزار
يقولولي هـات تفــاح .... أنزل أجيب خُضــار
هبلتـني حبيبتــي جــدا
مـــش عــارف أكلمـــها ...... واحنــا فيس تو فيــس
ولا لقيـــلهـــا إيمـــيــــل..... ولا أكـــونت عالفيـــس
ولا حتـى نمرة موبايـل .... بيها أقدر أعيــــــــــــــش
كلــه عن حبيبتـــــي .... مفيش مفيش مفيش
كتكـــوتة حبيبتــي جــدا
بســـألهــا في أمــور علميــة .... على سبيل الإستـشارة
وشهــا فجــــأة يحـــمــر .... وتطلــع مــنـه حــــــراره
دمــوعــها تملـــى عينيـــها .... وتجــــاوب بالإشــــــارة
هُـب أمشــي وأسيبهـــا ... أقلاقيـها وقعت مُنـهارة
كتكـــوتة حبيبتــي جــدا
لما بعـــرف انـــها جــت .... بقعد ألـــف واحـــوم
و أظبـط في الليــاقه .... وأعــدل في الهـدوم
وبروح وآجـي قدامــها ... تلاتيــن مره في اليـوم
أو أفضـل قـاعد قصادها ... لحد ما هي تقوووم
كتكـــوتة حبيبتــي جــدا
واللــه يا ناس أنــا نفســي .... إني أكلمـــها برشـــــا
بـــس بحـــس إنـــي أخرس .... وإن هـــي طـــــارشه
كتكـــوتة حبيبتــي جــدا
يا حبيــــبتي يا كتـــكوتــه ..... أنا هفضــل أحبك مــوت
و هفضـــل أستنـــاكي ..... لو عمـــري كلــه يفـــــــوت
كفــايه دلوقتــي الصوره ..... بكــــــــره يجي الصـــوت
لــو مصــره تفضــلي كتكـوته .... فأنــا بقيــت كتكــــوت
كتكـــوتة حبيبتــي جــدا